स्मृतिभ्रंश

म्हातारपणात विसरभोळेपणा, छोट्या-छोट्या गोष्टी किंवा घटना लवकर न आठवणे, वस्तू कुठे ठेवली आहे ती विसरणे, घरचा पत्ता विसरणे, उदास वाटणे किंवा स्वभावात बदल होणे, नातेवाईकांना न ओळखणे, जागा-वेळ याचे भान न राहणे इ. लक्षणे आढळतात.

अल्झायमर म्हणजे काय?

अल्झायमर (एडी) हा एक असा रोग आहे ज्यात स्मृती कमी होत जाते, याची लक्षणे पूर्णपणे बरी करता येत नाही आणि रोग दिवसेंदिवस वाढतच राहतो. हा एक प्रकारचा डिमेन्शिया (स्मरणशक्ती कमी होणे) आहे. ज्या विकारांनी मेंदूच्या कार्यामध्ये कायमची हानी होते त्यास डिमेन्शिया म्हणतात, अशा विकारामध्ये शेवटी दैनंदिन जीवनातील साध्या साध्या गोष्टी करणे सुद्धा कठीण होऊन जाते.

अल्झायमरची मुख्य चिन्हे आणि लक्षणे:

एडीची सुरवात तिशी ते साठी च्या दरम्यान होऊ शकते, आणि उशीरा होणारा एडी साठीत होतो. जसा रोग वाढतो तशी मेंदूला जास्त हानी होते, आणि याचा प्रसार प्रत्येक व्यक्तीत वेगवेगळा असतो.

ह्या विकाराचे 3 टप्पे आहेत:

• सौम्य

एखादी व्यक्ती सामान्यपणे काम करू शकते पण अचानक काही गोष्टींचा विसर पडू शकतो, जसे की जागेचे नाव विसरणे किंवा काही नेहमीचे शब्द न आठवणे. योग्य नाव न आठवणे, नुकत्याच घडलेल्या गोष्टी विसरणे, वस्तू कुठे ठेवल्या आहेत ते विसरणे आणि नियोजन किंवा आयोजन करता न येणे ही इतर काही लक्षणे आहेत.

• मध्यम

याची लक्षणे जास्त काळ टिकत असून, यात अलीकडल्याच घडामोडी विसरणे किंवा स्वतःबद्दल विसरणे, भांबावल्यासारखे होणे, लोकांमध्ये न मिसळणे, काहींमध्ये लघवी आणि मलविसर्जनाचे नियंत्रण जाणे, आणि सभोवताल किंवा वस्तुस्थितीशी संपर्क न राहणे अशी लक्षणे दिसतात.

• गंभीर

याची लक्षणे पर्यावरणातील उत्तेजकांना किंवा साध्या संभाषणांना प्रतिसाद न देणे, आणि इतरांवर पूर्णपणे निर्भर राहणे आहेत.

अल्झायमरचे निदान आणि उपचार कसा केले जातात?